Novas oportunidades para o emprego
Medidas para a reinserción laboral das persoas do sector do aluminio
empregAL
EmpregAL é un proxecto cuxo obxectivo é a reinserción laboral das persoas que foron despedidas ao longo dos últimos meses no sector do aluminio en Galicia e, concretamente, na provincia da Coruña.
Desde o 02 de marzo do 2023 ata o 10 de maio do 2025, EmpregAL creará recursos de fomento da reinserción laboral especificamente orientados a:
Apoio integral
Formación Especializada
Facilitar a Recolocación
As medidas propostas irán dirixidas a:
Persoas beneficiarias
O proxecto FEAG no sector do aluminio está dirixido a financiar medidas activas do mercado laboral destinadas á reinserción laboral das persoas desempregadas procedentes de Alu Ibérica LC S.L. en A Coruña, cuxo despedimento foi motivado por causas obxectivas entre o 10 de maio de 2022 e o 10 de setembro de 2022 (período de referencia).
Ademais, serán beneficiarias as persoas traballadoras procedentes de empresas proveedoras ou transformadoras de produtos de Alu Ibérica cuxo despedimento se produciu entre o 10/11/21 e o 15/03/23, sempre e cando se xustifique que existe un nexo causal co peche de Alu Ibérica.
Plan de medidas
Programa Formativo
Un programa formativo a medida (feito á medida das necesidades das persoas beneficiarias)
Mediación
Mediación continua no mercado laboral
Asesoramento
Asesoramento e orientación laboral personalizada e continua
Dispositivos de motivación
Dispositivos de motivación para a participación activa nas medidas deseñadas.
Do 02 de marzo do 2023 ao 10 de maio do 2025 desenvolverase un Plan Integrado de Medidas individualizado para as persoas traballadoras afectadas, co obxectivo de poder acompañalas persoalmente no proceso que comprende desde o despedimento ata a súa reinserción no mercado laboral.
As actividades personalizadas que se levarán a cabo ao longo do proxecto agrúpanse do seguinte xeito:
