EmpregAL
O aumento dos custos enerxéticos que soportou a industria electrointensiva provocou que plantas de aluminio como Alu Ibérica en Galicia pechasen a súa produción e, en consecuencia, as persoas traballadoras enfrontásense a un despedimento colectivo por causas económicas, técnicas, organizativas e/o de produción.
O peche de Alu Ibérica tivo un impacto significativo no mercado laboral e na economía da Coruña, debido ao seu tamaño (máis de 250 empregados e un volume de negocios superior a 130 millóns de euros), nun territorio no que o 93 % das empresas teñen cinco ou menos empregados.
Tendo tamén en conta a situación económica afectada polo contexto xeopolítico actual, os antigos traballadores de Alu Ibérica necesitan un apoio adicional e específico para aumentar as súas posibilidades de atopar novos empregos.
Conscientes desta problemática e de que os mecanismos habituais do mercado laboral non son abondos para afrontar o impacto que tales acontecementos xeran tanto en Galicia como no sector do aluminio, a Xunta de Galicia decide pór en marcha medidas que dean resposta urxente e paliar, dun xeito rápido e efectivo, o importante impacto socio-laboral ocasionado no sector e que faciliten unha reinserción efectiva das persoas despedidas no menor espazo de tempo posible.
En concreto, co obxectivo de crear recursos de fomento da inserción laboral especificamente orientados ás problemáticas das persoas que foron despedidas ao longo dos últimos meses no sector do aluminio de Galicia e, concretamente na provincia da Coruña, vixiando polo carácter personalizado destas, deseñouse e impulsouse o proxecto empregAL.
Os obxectivos do proxecto son
Resposta
Dar resposta urxente e paliar, dunha maneira rápida e efectiva, o importante impacto socio-laboral ocasionado no sector
Promoción
Promover a especialización competitiva das actividades e a xeración de produtos de maior valor engadido
Reinserción
Facilitar unha reinserción efectiva das persoas despedidas no menor espazo de tempo posible
Cualificación
Repercutir na xeración de postos de traballo máis cualificados.
Para alcanzar estes obxectivos, as medidas propostas no proxecto van encamiñadas a:
Deseñouse un Plan integrado de medidas feito á medida dos traballadores/as afectados/as do sector, para poder acompañalos persoal e individualizadamente no proceso que comprende desde o despedimento ata a súa reinserción no mercado laboral.
