Plan de medidas empregAL
Acollida e diagnose inicial
A través do presente programa, preténdese ofrecer unha primeira acollida aos traballadores que cumpran cos requisitos, co obxectivo de efectuar unha presentación xeral do programa e informarlles das accións que se van a levar a cabo e dos esforzos e recursos postos en marcha para axudarlles no seu proceso de recualificación para mellorar a súa empregabilidade.
Tras as sesións de acollida, realizarase un diagnóstico inicial de cada persoa desempregada a través de entrevistas individualizadas co fin de coñecer con detalle a súa situación socio-profesional, o seu nivel formativo, as súas aptitudes, capacidades, experiencias, intereses e expectativas laborais, así como calquera outra información necesaria para facer unha valoración adecuada das súas posibilidades reais de reincorporación ao mercado laboral. É fundamental, nesta fase, e en xeral en todo o proceso de inserción laboral, conseguir a motivación e implicación activa da persoa desempregada.
Obxectivo
Levar a cabo a presentación do Plan de Apoio ao sector do aluminio en Galicia entre o colectivo de persoas despedidas, conseguindo a adhesión do máximo número de participantes ao programa e encamiñar a participación dentro das accións incluídas no proxecto a través de talleres informativos de sensibilización.
Activación laboral
Sesións informativas para activar aos usuarios no seu proceso de busca de emprego, co fin de potenciar as capacidades de desempeño profesional particulares para alcanzar o obxectivo laboral marcado. Estas sesións facilitarán a orientación laboral e a activación profesional das persoas que están a sufrir un cambio profesional. Nelas traballaranse, principalmente, as novas técnicas e estratexias asociadas á busca activa de emprego.
Acreditación de Valorización e Reforzo de Competencias Soft Skills e Hard Skills
Levaranse a cabo sesións informativas nas que se motivará aos participantes e infórmaselles da necesidade de acreditar a súa experiencia mediante unha homologación das actividades realizadas ao longo da súa vida laboral (Competencias Hard Skills) e acreditar outro tipo de competencias non incluídas nos certificados de profesionalidade, pero demandadas polas empresas á hora de contratar traballadores: Competencias soft skills (competencias suaves).
Fomento do espírito emprendedor
Realizaranse sesións informativas relacionadas coas iniciativas emprendedoras sobre a creación de empresas para aqueles participantes que estean interesados en obter información sobre este tema, ben porque queiran iniciar actividade empresarial por conta propia ou ben por estar informados e abertos a novas saídas ao desemprego.
